#programación

Menú

Radar

Obras de calquera xénero e de calquera nacionalidade. Unha variada selección dos títulos que marcan tendencias a escala mundial, tanto na ficción como na animación ou o documental. Cineastas experimentados conviven con novas promesas: curtas que chegan avaladas por numerosos premios concedidos en festivais internacionais e novas obras que Curtocircuíto quere dar a coñecer.

Ler máis Ver menos
Teatro Principal

Duración: 67m 00s

Más allá de la noche

Máis aló da noite

Manuel Ponce de León

  • 2021
  • 26:00
  • Colombia
  • EXP
  • B&N

Un home escribe un poema á morte da súa nai no patio da casa da súa infancia, ás beiras do río Madalena. Unha viaxe polas sombras que habitan a memoria dun espazo, coma follas secas arrastradas polo pesado fluír dun río.

Estrea en España

Quattro Strade

Catro rúas

Alice Rohrwacher

  • 2021
  • 08:00
  • Italia
  • DOC
  • COR

A propagación da pandemia da Covid-19 obrigounos a permanecer confinados e impediunos vernos en persoa. A falta de conexións físicas, esta curtametraxe trata doutras formas de contacto entre a veciñanza, a través dunha vella cámara de 16 mm, un obxectivo con zoom e uns metros de película caducada.

Point and Line to Plane

Punto e liña sobre o plano

Sofia Bohdanowicz

  • 2020
  • 18:00
  • Canadá
  • FIC
  • COR

Unha rapaza (Deragh Campbell) desolada pola morte dun amigo lida co sentimento de perda mentres busca significados profundos na súa vida diaria e na arte de Hilma af Klint e Wassily Kandinsky.

Estrea en Galicia

Motorway 65

Autoestrada 65

Evi Kalogiropoulou

  • 2020
  • 15:00
  • Grecia
  • FIC
  • COR

Dous irmáns viven na cidade industrial de Elefsina. Unha ponte conecta o seu barrio, habitado na súa maioría por gregos do mar Negro, cunha zona habitada por inmigrantes de diversa procedencia. As divisións sociais dan lugar a unha hostilidade que se reflicte na escena deportiva local e nas relacións dos dous irmáns.