Planeta GZ

Ninguén pode escapar das súas raíces, aínda que estas estean completamente podres.

Andrea fixo a súa primeira comuñón. Porén, á cerimonia fáltalle glamour. Para Andrea as cousas sen brilli-brilli non son cousas. O único problema é: ¿será que este Deus non existe?

Formigón é a análise das crises económicas da década pasada, a xentrificación das cidades, a precariedade do emprego da mocidade e os seus efectos na saúde mental e social da miña xeración. Todo isto conéctase co movemento rave, que propón un modelo autoxestionado de socialización.

Peza de animación experimental na que o surrealismo e a psicodelia se conxugan para facer que o espectador se mergulle nunha viaxe onírica, onde o máxico e o sobrenatural transcende o ordinario da vida cotiá. A creación da vida, a espiritualidade e a transformación do mundo aparecen como cuestións esenciais desta curtametraxe, que está contada sen seguir unha estrutura narrativa lineal.

Por que moverse e non o nada? Apoiados en quen fai cine ou escala montañas para dar respostas, transitamos por un mar de posibles solucións. Pódense establecer pontes sólidas entre estas dúas actividades e extrapolalas a calquera outra. Viaxaremos polas distintas motivacións ata que, cando esteamos voando máis alto, cheos de conviccións, atopemos as fendeduras. Como nos salvamos?

Antes de partir por camiños diferentes, tres amigos xúntanse nunha última noite de esmorga en Ourense, a cidade que os viu medrar.