Obras de calquera xénero e de calquera nacionalidade. Sección centrada na procura de novas caligrafías fílmicas. Pezas dificilmente catalogables nun xénero que dilúen a idea tradicional do cinema mediante a exploración de sendas innovadoras, próximas á videoarte, o documental ou o cinema de vangarda.
Ler máis Ver menosDuración: 66m 51s
Morgan Quaintance
A inevitabilidade da separación, da perda e da morte explóranse a través dun monólogo introspectivo e unha selección de fotogramas, imaxes en movemento e texto escrito.
Ben Russell
Un poema tonal en azul e vermello. Azul > unha banda sonora extraída dun CD de Cyndi Lauper leva a un (outro) intento de atopar un camiño entre a brétema dos últimos anos. Filmada entre os Cárpatos, os bares punk de Vilnius e o Día da Independencia de Bielorrusia de 2019. Vermello > un diario estruturalista: ton + mar + movemento. Un fundido longo, un índice das tipoloxías de todas as cousas, unha inmersión suave. Filmada en Marsella e contorna entre 2021 e 2022.
Estrea en España
Michael Robinson
Policefalia en re é un colaxe denso que explora a deriva existencial, o trauma colectivo e a caída libre psicolóxica do momento no que vivimos. Saltando, caendo e atopando un novo eu no medio do tremor, perdemos unha cabeza para que medre outra.
