#updates

Palmarés Curtocircuíto 2021

Novas

Os diferentes xurados da presente edición de Curtocircuíto - Festival Internacional de Cine tralas deliberacións oportunas decidiron outorgar os seguintes premios:

  • Premio Radar: Al motociclista no le cabe la felicidad en el traje, de Gabriel Herrera.

Púxose en valor a forma que o director ten de canalizar a realidade. A curta é como unha canción, popular e vangardista. A tenrura, a relación entre director e personaxes, o amor, a verdade, a maxia son palpables. O filme mostra ser un proceso vivo, unha experiencia xenerosa que amosa vulnerabilidade en estado puro.

  • Mención especial Radar: The Unseen River, de Pham Ngoc Lan.

Por ser unha curta na que o director xera un espazo único, cristalizado, capaz de acoller o sufrimento e a eterna búsqueda da paradoxa do amor. 

  • Premio Explora: Surviving You, Always, de Morgan Quaintance.

Buceando nos movementos da memoria para sobrevivir a unha ausencia, este filme non teme aproximarse aos vestixios da emoción. Evitando a nostalxia ou o romanticismo, confía na potencia evocadora do cinema para expandir e desafiar o noso poder de comprensión. Por diluír as súas palabras e as súas imaxes nun fermosos abismo.

  • Mención especial Explora:  The Canyon, de Zachary Epcar.

Pola súa capacidade de retratar a nosa época coa necesaria extrañeza, polo seu uso radical dos movementos de cámara e a montaxe, pola súa capacidade de enfrentarnos ao abismo do consumo, e ensinarnos o futuro como un sumideiro do que aínda podemos escapar.

  • Premio Galiza: Augas Abisais, de Xacio Baño.

Por lograr técnicas cinemáticas orixinais para falar do pasado mentres se excava o presente, por atopar un camino metafórico cara a narración que pode destapar e rexistrar a búsqueda dese propio camiño, e por iluminar unha experiencia persoal que lanza luz sobre o colectivo. 

  • Mención especial do Premio Galiza: A Comuñón da miña prima Andrea, de Brandán Cerviño

Cederlle a unha nena o poder de dirixir unha película e converterse na protagonista da mesma dá lugar a un relato único. Desde a inocencia e con códigos universais xurden unha voz e unha visión nova que rematar redefinindo o rito da comuñón.

  • Premio Penínsulas, patrocinado por RC Service: Future Foods, de Gerard Ortín.

As imaxes, froito dunha observación pausada e fermosa composición, transcorren en paralelo á voz dun científico, que describe de forma pragmática o estado actual da súa investigación. A brillante montaxe, en combinación cun deseño de son discreto pero eficaz, xera unha tensión sutil ao revelar paso a paso o que está a ocorrer ante os nosos ollos, deixando, ao mesmo tempo, espazo suficiente para procesar a información. Sen caer en moralismos nin demonizacións, o filme debuxa un futuro posible e nos invita á reflexión.

  • Mención especial Premio Penínsulas: La peli del algoritmo, de Claudia Negro García.

La mención especial del jurado es para La peli del algoritmo, de Claudia Negro García. Los dos miembros del jurado que hablan español han decidido dar la mención especial a una película intraducible por compaginar de manera original el lenguaje que imagina y el que ocurre, pero también por ser capaz de capturar con medios sencillos un momento en el tiempo, en pantallas y distancias impuestas.
  • Premio del Público, patrocinado por GADIS: A Comuñón da miña prima Andrea, de Brandán Cerviño

  • Premio Jurado Joven: The Parents' Room, de Diego Marcon.

Pola valentía na aproximación non convencional a unha realidade tan violenta e o contraste entre a crueza da historia e a delicadeza e acidez no seu tratamento.

  • Mención especial Jurado Joven: Forever, de Mitch McGlocklin.

Pola dupla innovación, tanto no enfoque intimista dunha distopía contemporánea como na escolla dunha técnica adecuada e sempre ao servizo da historia.

  • Premio CREA a la mejor dirección gallega: Homeless Home, de Alberto Vázquez

Polo uso dun trasfondo social duro, porque non todos os retornos a casa son unha apoteose como na Odisea. Alberto Vázquez foi quen de construír un mundo dunha natureza gráfica e sonora única.

  • Premio AGAG ex aequo al mejor guion gallego: Homeless Home, de Alberto Vázquez, e Augas Abisais, de Xacio Baño.

Son dúas propostas moi distintas polo que non puidemos decantarnos por unha soa. Homeless Home destaca polo seu deseño de personaxes a partires dun universo escuro no que a esperanza ten cabida. Augas Abisais é un paralelismo entre mergullarse no fondo do océano e na propia historia, partindo dunhas lembranzas e correspondencia de tempos moi pasados pero aínda presentes.

Por saber retratar unha xuventude en constante crise e por explorar novos camiños e ser capaces de buscar a estetización dos espazos grises urbanos, o premio #OutraCompostela é para Fillxs do abafo, de Marina Calvache Barbosa, Arón Arias Dono, Pablo Fariña Aldao, Beatriz Amoza Dávila e Antón Carral López.

Curtocircuíto - Festival Internacional de Cine de Santiago de Compostela está organizado polo Concello de Santiago de Compostela e financiado, entre outros, pola Deputación de A Coruña e AGADIC.