#updates

Presentamos a nosa Sección Oficial, composta por 39 películas de 21 países

Novas

Na 18ª edición de Curtocircuíto - Festival Internacional de Cine queremos poñer a mirada sobre a vangarda cinematográfica, proxectando as creacións máis recentes e arriscadas do panorama internacional na nosa Sección Oficial. Contaremos con 15 estreas, oito delas a nivel estatal e sete en Galicia, todas pezas de cineastas imprescindibles, así como propostas daqueles que despuntan co seu traballo máis actual.

A programación de Radar e Explora está composta por 39 películas de 21 países diferentes que encherán as nosas salas de risco creativo, diversidade e novas linguaxes. Tamén teremos dispoñible unha selección delas na nosa sede en liña, a canle de Curtocircuíto en Filmin, continuando así co formato híbrido da nosa pasada edición. Presentámosvolas!

Radar: nodos no mapa cinematográfico

Unha edición máis, Radar recolle as propostas menos convencionais do cinema narrativo deste ano. Como o mecanismo tecnolóxico que lle dá nome, esta sección destaca os hits das mellores obras recentes. Un total de 22 propostas cinematográficas que funcionan a modo de pequenos puntos nun mapa: aínda que parecen distantes e separados, a súa análise permite ver esas pequenas conexións que xorden de forma automática ao combinar estas obras. 

A autodefinición da identidade, os paraísos artificiais das drogas ou aqueles formados na brecha que é o glitch, ou a sublimación do exceso, son algúns dos tags que responden a unha sección onde repiten cineastas como a británico-arxentina Jessica Sarah Rinland, que presenta o seu último traballo Sol de Campinas; o guionista e director canadense Guy Maddin, que participa con The Rabbit Hunters; a francesa Marie Losier, que mostra o seu traballo Taxidermisez-moi; ou Bertrand Mandico, quen exhibe nesta edición Dead Flash. Estes nomes comparten sección con outros novos membros da familia Curtocircuíto como son Pat Heywood e Jamil McGinnis (Gramercy); Sofia Bohdanowicz (Point and Line to Plane); ou Sophie Littmann (Sudden Light).

Listado de películas seleccionadas en Radar: 

  • Al motociclista no le cabe la felicidad en el traje, de Gabriel Herrera. 2021 - México.

  • Das Spiel (The Game), de Roman Hodel. 2020 - Suíza.

  • Dead Flash, de Bertrand Mandico. 2021 - Francia.

  • Det er I Jorden I (In the soil), de Casper Kjeldsen. 2021 - Dinamarca.

  • Deus Ex Machina, de Anssi Kasitonni. 2021 - Finlandia.

  • Forever, de Mitch McGlocklin. 2020 - Estados Unidos.

  • Giòng Sông Không Nhìn Thấy (The Unseen River), de Pham Ngoc Lan. 2020 - Vietnam.

  • Gramercy, de Pat Heywood, Jamil McGinnis. 2020 - Estados Unidos.

  • Más allá de la noche, de Manuel Ponce de León. 2021 - Colombia.

  • Motorway 65, de Evi Kalogiropoulou. 20202 - Grecia.

  • Orthodontics, de Mohammadreza Mayghani. 2021 - Irán.

  • Patrick, de Luke Fowler. 2020 - Reino Unido.

  • Point and Line to Plane, de Sofia Bohdanowicz. 2020 - Canadá.

  • Quattro Strade, de Alice Rohrwacher. 2021 - Italia.

  • Sol de Campinas, de Jessica Sarah Rinland. 2021 - Brasil.

  • Son of Sodom, de Theo Montoya. 2020 - Colombia, Arxentina.

  • Sudden Light, de Sophie Littmann. 2019 - Reino Unido.

  • Taxidermisez-moi, de Marie Losier. 2021 - Francia. 

  • The Life Underground, de Loïc Hobi. 2020 - Suíza.

  • The Rabbit Hunters, de Guy Maddin, Evan Johnson e Galen Johnson. 2020 - Canadá.

  • Was wahrscheinlich passiert wäre, wäre ich nicht zuhause geblieben, de Willy Hans. 2020 - Alemaña.

Explora: 18 propostas de cine arriscado e radical

Unha das misións máis importantes do noso festival é apostar pola creatividade á hora de afrontar o cinema; e a sección Explora é o resultado desta aposta. Un total de 18 propostas de cinema arriscado, radical e, ás veces, esixente co ollo humano. 

Nesta sección traémosvos desde estudos sobre a paisaxe como Terra Australis Incognita, de Andrea Bordoli, ou Corps Samples, de Astrid da Chapelle, ambos desde perspectivas moi diferentes; tétricos musicais como The Parents’ Room do PREMIO EXPLORA 2018 Diego Marcon; ata películas puramente plásticas como a austríaca Dissolution Prologue, de Siegfried A. Fruhauf, ou Berlin Feuer dos xa habituais Siegfrid Fruhauf e Pedro Maia. Completan Explora cineastas como a brasileira Ana Vaz (Pseudosphynx), James Kienitz Wilkins (Best Year Ever), Zachary Epcar (The Canyon), ou Mary Helena Clark (Figure Minus Fact), presentes en anteriores edicións de Curtocircuíto.

Listado de películas seleccionadas en Explora: 

  • Baki Tadu É, de Kate Saragaço-Gomes e Calum MacBeath Morgan. 2021 - India, Dinamarca, Portugal.

  • Berlin Feuer, de Pedro Maia. 2021 - Portugal, Alemaña.

  • Best Year Ever, de James Kienitz Wilkins. 2020 - Estados Unidos.

  • Corps Samples, de Astrid de la Chapelle. 2021 - Francia.

  • Dissolution Prologue (Extended Version), de Siegfried A. Fruhauf. 2020 - Austria.

  • earthearthearth, de Daïchi Saïto. 2021 - Canadá.

  • Figure Minus Fact, de Mary Helena Clark. 2020 - Estados Unidos.

  • Frozen Jumper, de Tina Frank. 2020 - Austria. 

  • Imperial Irrigation, de Lukas Marxt. 2020 - Alemania, Austria.

  • Minimal Sway While Starting My Way Up, de Stéphanie Lagarde. 2021 - Países Baixos.

  • Misty Picture, de Christoph Girardet e Matthias Müller. 2021 - Alemaña.

  • Pseudosphynx, de Ana Vaz. 2020 - Brasil.

  • ROTOЯ | Sonic Body, de NO1 (Peter Kutin, Patrik Lechner, Mathias Lenz). 2020 - Austria.

  • Surviving You, Always, de Morgan Quaintance. 2021 - Reino Unido.

  • The Detection of Faint Companions, de Sandro Aguilar. 2021 - Portugal.

  • Terra Australis Incognita, de Andrea Bordoli. 2021 - Suíza.

  • The Canyon, de Zachary Epcar. 2021 - Estados Unidos.

  • The Parents’ Room (La Chambre des parents), de Diego Marcon. 2021 - Italia, Reino Unido.

Curtocircuíto - Festival Internacional de Cine de Santiago de Compostela está organizado polo Concello de Santiago de Compostela e financiado, entre outros, pola Diputación da Coruña, AGADIC e o ICAA.