Xurados

Xurado Radar

  • Aarón Rodríguez Serrano

    Profesor Axudante Doctor na Universidade Jaume I. Doctor en Comunicación Audiovisual, Mestrado en Historia e Estética da Cinematografía pola Universidade de Valladolid e en Novas Tendencias e Procesos de Innovación en Comunicación pola UJI. Estuda as relacións entre análise cinematográfico e filosofía. Entre os seus libros máis destacados encóntranse Nanni Moretti (Cátedra, 2018), La escritura (in)visible (xunto a Rubén Higueras, Editorial UOC) y Espejos en Auschwitz: Apuntes sobre cine y Holocausto (Shangrila, 2015). Colabora como crítico de cine en diferentes revistas como CineDivergente, El antepenúltimo mohicano ou Detour. Do mesmo modo, conta con diferentes videoensaios entre os que destacan Stanley Kubrick: Cine y límites e Cine, luz, verdad: Apuntes desde Heidegger.

     
  • Amanda Villavieja

    Sonidista. Dedícase ao cine documental e de ficción. Algúns dos seus traballos son En construcción, Guest, En la ciudad de Sylvia e La academia de las musas, de José Luis Guerín; La leyenda del tiempo, Los pasos dobles, Los condenados, La próxima piel e Entre dos aguas, de Isaki Lacuesta; El cielo gira e Mercado de futuros, de Mercedes Álvarez; Tierra negra e El foso, de Ricardo Íscar, Mimosas e Aquilo que arde, de Oliver Laxe, Nadar e Volar, de Carla Subirana, Penélope, de Eva Vila, Les Unwanted de Europa, de Fabrizio Ferraro, La estrella errante, de Alberto Gracia, Staff only, de Neus Ballús, Viaje al cuarto de una madre, de Celia Rico o La virgen de agosto, de Jonás Trueba. Tamén imparte clases de son na Universidade Pompeu Fabra.

Xurado Explora

  • Jessica Sarah Rinland

    Artista e cineasta, Jessica Sarah Rinland exhibiu internacionalmente en galerías, cines, festivales de cine e universidades, incluíndo NYFF, LFF, Rotterdam, Oberhausen, Edinburgh e Mar del Plata. Recibiu bolsas do Arts Council England, Wellcome Trust entre outras institucións. As súas Residencias inclúen: MacDowell Colony, Kingston University, Locarno Academy e Berlinale Talents. En 2016 exhibiu unha instalación en pantalla múltiple e aleatorizada We Account The Whale Immortal en Somerset House, Londres. Actualmente é Artista Asociada en Somerset House Studios, e Film Studies Center Fellow en Harvard University.

Xurado Planeta GZ + Penínsulas

  • Sara Coleman

    Artista e deseñadora de formación híbrida. Mestrado en Arte Contemporáneo e graduada en Belas Artes pola Universidade de Vigo, Sara comeza a súa andadura profesional no mundo do deseño; no ano 2007 funda a súa propia marca: SARA COLEMAN_ Organic Design. Ao longo da súa carreira profesional traballou para diversas empresas do sector téxtil, como deseñadora de vestiario para Artes Escénicas e como estilista en producións de moda. Recentemente foi galardoada co Premio ArtsFAD 2017, foi artista residente no MAC da Coruña, gañadora das becas FormARTE en París e nomeada ao 9º Premio Auditorio de Galicia para Novos Artistas no 2016. Actualmente está en proceso de investigación e experimentación no ámbito artístico, realizando instalación téxtil e escultura ao mesmo tempo que imparte obradoiros e conferencias sobre Creación e Experimentación.

     

Xurado Novo

  • Iria Silvosa

    Focalizada principalmente na edición, realizou a montaxe de A estación violenta,  xunto á directora Anxos Fazáns e Diana Toucedo, e da curtametraxe Sendeiro  de Lucía Estévez, aínda que tamén realiza as súas propias pezas, na súa maioría de corte non-ficción, nas que xoga ca propia construcción e linguaxe cinematográfica. Os propios procesos son protagonistas da obra, e temas como a memoria e a (re)construcción da mesma son unha constante case obsesiva, especialmente en pezas como Atisbos , LAR  e Extraño.

     
     
  • Silvia Fuentes

    É licenciada en Comunicación Audiovisual pola UVIGO, aínda que remata a carreira na UCM. En 2013 volve á terra e cofunda a produtora Audiobeesual. En 2016 da un paso cara a ficción e produce Volver Allí, a primeira curtametraxe de Lucía Estévez, e tamén Quinta Provincia, primeira curtametraxe de Miguel Canalejo. Coproduce tamén, con Matriuska Producciones, a curta Area, de Anxos Fazáns, e leva a xefatura de produción de Castelao de chumbo á verba, de Miguel López. En 2017 comeza coa xefatura de produción de Matria, de Álvaro Gago, e segue coa xefatura de produción do filme A Estación Violenta. Segue coa axudantía de produción en Tempo Vertical, de Lois Patiño, e remata o ano producindo Sendeiro, de Lucía Estévez.

     
     
     
     
     
     
     
  • Mar Catarina

    Licenciouse no 2011 en Comunicación Audiovisual pola USC. No ano seguinte múdase a Lisboa e realiza o Posgrao en Fotografía, Proxecto e Arte Contemporánea creado polo Atelier de Lisboa e desenvolve os proxectos fotográficos Segunda pel, O cuarto da Bernarda e A Lagoa, que participará na exposición colectiva VERDE no Palacio Galveiais. No 2011, xunto a Rubén Domínguez, concibe Prenom, unha produtora e editora. En 2013 realiza o Máster en Profesorado na especialidade de Artes na USC e en 2018 finaliza o Máster en Comunicación Audiovisual de Servizo Público da UNED.  Realizou videoclips para Franc3s, Ataque Escampe ou Chicharrón e foi teclista en Cudevaso e Chicharrón. Actualmente toca en Esposa.

     
     
     
     
     
     
     
  • Sandra MG

    Comeza os seus estudos en Fotografía en Barcelona, onde descobre a fotografía analóxica. O seu proxecto final é seleccionado na exposición 10 Fotógrafos, 10 Escuelas, e é finalista na II Beca Golferichs. No 2010 trasládase a Londres, onde desempeña o seu primeiro traballo como fotógrafa. Despois volve a Barcelona, onde traballa de asistente en varios museos. Paralelamente cursa un Posgrao en Arte e Novos Medios e realiza exposicións individuais. No 2013 comeza Belas Artes en Pontevedra. Participa en exposicións colectivas, en salas como A Casa Das Artes co Colectivo Latente, o Sala X co grupo DX5. Funda White Collective, galería independente en Vigo especializada en foto contemporánea. Actualmente compaxina o seu traballo na galería con traballos de fotografía comercial, moda, produto e dirección de arte.

  • Nuno Pico

    Ferreira do Valadouro, 1995. Estudo 2º de Comunicación Audiovisual na USC, e antes fixen Filosofía. A primeira vez que recordo ter visto unha película, tiña 4 anos e estaba coa miña nai, meu tío e miña avoa, e cando na pantalla da televisión apareceu Groucho Marx, asusteime tanto ao ver ese bigote enorme e tan negro que me puxen a chorar e escapei correndo á miña habitación. Logo acabouse convertendo nun dos heroes da miña infancia. Durante anos, pasei as tardes vendo a colección de VHS dos Irmáns Marx que sacou RBA e que mercaba meu tío sempre, bebendo Coca-Colas e comendo bocadillos de Nocilla. Logo repetíalles aos meus amigos no colexio as frases e bromas que máis me impresionaban, a ver se lles facían gracia. A veces saíame ben. Agora ando por aí intentando ser Robert Mitchum.

  • Azahara Rey Fontán

    Estudante de Filosofía e Técnica en Produción Audiovisual, Radio e Espectáculos, é unha asidua dos festivais de cinema independente e experimental. Realizou o curso de Cámara e Realización en Voz Audiovisual, asistindo tamén a diversos ciclos sobre cine contemporáneo. Con varias curtas e unha webserie ás súas costas, está especializada no emprego da imaxe, concretamente na dirección de fotografía,  labor que adoita desempeñar nos seus proxectos. Apaixonada do cine e da poesía, dirixe as súas miras de cara á crítica cinematográfica.

     

Xurado Camira

  • Ana Estévez

    Licenciada en Xeografía e Historia na especialidade de Museoloxía e Mestrado en Historia Contemporánea pola Universidade de Santiago de Compostela. Comezou a súa carreira na educación artística e patrimonial en institucións museísticas, tema sobre o que traballa e investiga como responsable da área de Educación e Acción Cultural no Museo do Pobo Galego. En 2006, pon en marcha a Mostra de Cinema Etnográfico, un espazo de divulgación e de encontro ao redor da relación entre o cinema e as ciencias sociais. En 2016, a MICE, con Ana Estévez como directora, transcende os muros do Museo, contando con varias sedes en Santiago de Compostela e converténdose en certame internacional con sección competitiva.

  • Iván Villarmea

    Crítico e investigador cinematográfico. Os seus traballos analizan a representación do espazo no cinema, como o libro Documenting Cityscapes. Urban Change in Contemporary Non-Fiction Film (2015) ou o dossier temático sobre paisaxe e cinema que co-editou canda Filipa Rosário para Aniki. Revista Portuguesa da Imagem em Movimento (2017). Desde 2011, ademais, escribe na revista dixital de crítica cinematográfica A Cuarta Parede, para a que coeditou con Horacio Muñoz o volume Jugar con la Memoria. El Cine Portugués en el Siglo XXI (2014). Socio fundador do Cineclube de Compostela, colaborador habitual do Festival Play-Doc, nesta altura traballa no Departamento de Historia da Arte da Universidade de Santiago.

  • Jaione Camborda

    San Sebastián, 1983. Tras rematar os seus estudos cinematográficos na Escola de Cinema de Praga (FAMU) e a Escola de Cinema de Múnic (HFF), trasládase a Galiza onde funda a produtora Esnatu Zinema coa que forxa un recoñecido traballo como directora de pezas rodadas con material fílmico de corte experimental tales como Proba de Axilidade, Nimbos, Lilit ou Rapa das Bestas. En estes proxectos Jaione decántase por un traballo en formato Super 8, dende a confianza na imaxe, na materialidade e no gran lírico. Dirixe a longametraxe Arima ademais de colaborar como guionista e directora de arte en numerosos filmes.

Xurado CREA

  • Ana Diz

    Estudia Comunicación Audiovisual en Pontevedra, en la especialidad de Producción y Realización. Después se desplaza a la capital, en donde se centrará en su Doctorado e investigará sobre el poder de los decorados en el cine. Participa como guionista, realizadora y productora en diferentes piezas audiovisuales. Fue la Directora de Producción de los cortos Flores para Amalia y Lurna, de Nani Matos, reconocidas a nivel nacional e internacional y finalistas de los premios Mestre Mateo. Como guionista figura su paso por formatos televisivos o de ficción. En el 2015 forma parte del Festival de Cans. En 2016 trabajo como Ayudante de Dirección en el corto Superpunky y en el videoclip Behind the Curtain. Formó parte de la directiva de CREA durante el 2016 y el 2017, año en el que, coincidiendo con su maternidad, realiza un nuevo videoclip, Silencio, de El Grito Chino. Actualmente está a punto de estrenar un nuevo clip musical y un documental, y sigue trabajando en el guion de varios proyectos personales.

Xurado Agag

  • Óscar Cruz

    Guionista. Ex alumno do Máster de Guión da UPSA. En 2013 comezou a súa actividade profesional na marca Porco Bravú coa webserie Conversas con Cunqueiro que lle permitiu medrar e dar paso ó traballo máis celebrado El método sueco, con moitos premios polo país e gañador de dous premios Mestre Mateo consecutivos (2015 e 2016). Director e guionista da curtametraxe El comediante, distribuído no ciclo de curtas Ficciónate. Guionista na sitcom Peter Brandon coa que gaña o seu terceiro premio Mestre Mateo (2018). Presentador de La transición en Pontevedra Viva Radio. Guionista no Malo será, programa de sketches da TVG.

  • Xosé Antón Perozo "Ozo"

    Vigo, 1975. Director e guionista. Traballa no audiovisual galego dende os anos noventa. Foi desempeñando diferentes postos en máis de trinta longametraxes e quince series: atrecista, script, axudante de dirección; e nos últimos anos traballou como director e guionista nas teleseries da Televisión de Galicia O Faro e Fontealba. Tamén escribiu e dirixiu as curtametraxes Baseado en feitos que puideron ter acontecido e Auga, o documental Decreto Filgueira e varias pezas musicais.

  • Samuel Lema

    Formación multidisciplinar que vai das Belas Artes á escritura de guión e á produción executiva. Traballou en desenvolvemento creativo, arte e produción, tanto en animación, como imaxe real. Escribe, produce e dirixe as curtas La carne cruda e Desde dentro co que consegue a través do EPC ser seleccionado nos foros de coprodución de Cannes e Locarno. Nos últimos tempos compaxina os estudos de doutoramento enfocados ao Cinema Underground co desenvolvemento do proxecto experimental Stalk, e a miniserie As crisálidas. Como director artístico traballa con directores como Ángel Santos, Anxos Fazáns ou Óliver Laxe.