Filmes

Todos os filmes

Retrospectiva - Bertrand Mandico

​L'homme de Mandico

As películas de Bertrand Mandico pertencen á Historia das Herexías. Os demos son deuses cuxa veneración deixou de ser perpetuada pola sociedade humana. O cine de hoxe en día é un Demo. Dende o momento no que unha arte popular deixa de ser vivida colectivamente, convértese nunha herexía. Pero tamén é o instante, tan rápido como o bater das alas dun anxo, no que el pode explorar o que lle pertence só a el. O seu ritual intensifícase ata chegar ao punto no que todos os seus oficiantes parecen estar posuídos por unha furia erótica. As súas narracións convértense en indagacións sobre os métodos da súa propia actividade máxica. Todas as súas imaxes son tan precisas como os feitizos.

 

As películas de Bertrand Mandico pertencen á Historia das Lendas Urbanas. Durante moito tempo, ao ser tan míticas como invisibles, un tiña a impresión de que baixaban a nós como deusas con moitas caras, cubertas por una densa nube eléctrica de espera e misterio. Feliz como Ulises, o espectador tiña que navegar entre festivais e retrospectivas para poder albiscar cada unha delas. Pero unha vez vía unha, xa non podía escapar: a película exercía unha atracción máxica sobre el como a de Circe. O cine quedábase na súa memoria como un templo onírico cheo de estatuas humanas no que sería testemuña do ritual de invocación dunha deusa de carnes exuberantes, chea de froita madura e flores mirradas.

 

As películas de Bertrand Mandico pertencen á Historia dos Universos Paralelos. Aínda que os directores do Novo Mundo, os cales, dende Tod Browning a David Lynch, son un enigma, nas súas imaxes, as películas de Bertrand Mandico están deliberadamente “deshollywoodizadas”. É o cine dun mundo espello no que California non existe. Ao eliminar a xeografía do cine da súa historia, a obra de Bertrand Mandico é convertida nun mesianismo sen unha terra prometida. Polaco, ruso, italiano, xaponés, converteuna nun medio irrecoñecible que dá as costas aos 80, aos 90, ao 2000 e ao 2010, e á restitución do cine como unha ilustración da política estadounidense para remodelar o mapa político do mundo e a súa “exportación” da democracia. Un medio que tamén dá as costas á produción “intimista” francesa e á idea ridícula de centrarse “na parella”, “historias curtas”, ou na “vida diaria”. As películas de Bertrand Mandico son o cine dun universo paralelo no que Francia seguiu a máxica liña representada por Cocteau e Rivette en lugar da corrente das “historias da clase media” de Truffaut e Despléchin. O cine dun universo paralelo no que son Walerian Borowcyk e Andrzej Zulawski os que influenciaron aos novos directores dos 80 en lugar de Steven Spielberg e George Lucas. O cine dun universo paralelo que ensalzaría as ilustracións de Topor e as tiras cómicas de Fred. O cine dun mundo no que Nerval sería rei.

 

As películas de Bertrand Mandico poden ser vistas e revividas volvéndoas a reproducir unha e outra vez na túa casa. Converteran o teu piso nunha cova cósmica de carne quente. Mergullarante nos seus divertidos diálogos, suspendidos e crueis como un baño de burbullas. Pero canto máis e máis as veas, máis te comezarán a influenciar, e mutaredes xuntos para converterte nesa especie de mutante coas pálpebras violetas ao que as súas películas chamarán: unha parahumanidade rigorosa como o erotismo, excitante como a aritmética, abafante como a lóxica, precisa como a loucura, ansiosa como o amencer; unha parahumanidade tan fabulosa como o abominable home das neves, o monstro do lago Ness, a mantícora ou o berbalang: algo parecido a “O home de Mandico”. As películas de Bertrand Mandico pertencen á Historia da Zooloxía Fantástica.

 

Por Pacôme.

Ler máis Ver menos

Bertrand Mandico 4

NUMAX

Duración: 90m 40s

Etienne Charry / Osmose

Etienne Charry / Osmose

Bertrand Mandico

  • 2003
  • 04:00
  • Francia
  • VID
  • COL

Videoclip no que unha parella de namorados dá renda solta á súa paixón ao carón dunha lagoa con propiedades mutantes baixo a atenta mirada dun fado dos bosques.

Notre dame des hormones

A nosa señora das hormonas

Bertrand Mandico

  • 2014
  • 31:23
  • Francia
  • FIC
  • COL

Dúas actrices están ensaiando unha obra durante unha fin de semana nunha casa de campo. Mentres pasean polo bosque, unha atopa unha cousa estraña. A criatura convértese en obxecto de desexo para ambas mulleres, desesperadas por posuír a cousa. Pero o que non saben e que acaban de atopar A Nosa señora das Hormonas.

Prehistoric Cabaret

Cabaret prehistórico

Bertrand Mandico

  • 2013
  • 09:31
  • Francia
  • FIC
  • COL

Arnarstapi, Islandia. Nun Cabaret, unha muller mestra de cerimonias realiza o acto esotérico dunha colonoscopia cunha estraña cámara orgánica. As imaxes da cámara aparecen nunha pantalla detrás dela. A mestra de cerimonias ofrécenos unha viaxe polo centro dos seus órganos, para coñecer a unha criatura que vive dentro dela, dentro de todos nós... o ser orixinal. Durante esta viaxe, a audiencia entra nun estado de transo que alcanza o éxtase. Unha vez rematado o acto, a mestra de cerimonias é deixada de lado.

Y’a-t-il une vierge encore vivante ?

Queda algunha virxe viva?

Bertrand Mandico

  • 2016
  • 08:46
  • Francia
  • FIC
  • COL

Segundo conta unha lenda, Xoana de Arco non morreu na fogueira, senón que se queimaron os seus ollos e a desflorou un semental inglés. Despois foi condenada a vagar polo campo de batalla como un animal preeiro que anda á procura de vida e tenta atopar aquelas virxes que queden vivas.

Ultra Pulpe

Ultra Pulpe

Bertrand Mandico

  • 2018
  • 37:00
  • Francia
  • FIC
  • COL

Un complexo turístico costeiro abandonado. A rodaxe dunha película fantástica sobre a fin dunha era remata. Dúas mulleres, ambas membros do equipo de rodaxe, unha actriz, a outra directora, APOCALYPSE e JOY, están na antesala de concluír a súa aventura amorosa. Para darlle a APOCALYPSE tempo para un último abrazo, JOY, a maior das dúas, recita 5 historias de solpores. Cinco historias de mulleres que non queren avellentar, 5 aventuras de ciencia ficción, vulgaridades, necrofilia e poesía. Cinco secuencias que fan referencia á rodaxe dunha película fantástica sobre a fin dunha era.