Explora

«Fuddy Duddy emprega o deseño de grella para facelo anacos. Cando estaba ocupado co cine estrutural, debuxaba repetidamente fotogramas usando estruturas de grella para gravar con precisión a secuencia de imaxes individuais. A min, isto paréceme ás veces unha procura de estruturas nun mundo aparentemente caótico. O cine responde á necesidade de orientación. Deste xeito, non se trata só dunha preferencia persoal por un método particular de traballo». Siegfried A. Fruhauf.

Keep that dream burning comeza con partículas en branco e negro, extremadamente finas, que flotan pola pantalla. Coagulando en estruturas bruscas, transfórmanse nunha tormenta de artefactos irregulares e cambian continuamente os puntos de luz. Coa introdución dun efecto intermitente, o son electrónico flotante convértese nun movemento rítmico penetrante que só descansa ao final, cunha imaxe dun burato negro que, sutilmente, vaise facendo máis e máis profundo.

A última muller na Terra. Gravada dentro da Biosfera 2, en Arizona, Urth forma unha meditación cinemática sobre experimentos ambiciosos, ambientes construídos e visións do futuro.

As inquisitivas mans dun cego exploran unha escultura vitoriana.

Imaxinade: un extraterrestre aterrou nun planeta estraño, onde unha vez existira vida. O extraterrestre desprázase, sen rumbo, a través dunha natureza escura e cambiante onde aparecen e desaparecen ocasionalmente visións de figuras humanas conxeladas, detidas no tempo e na acción.

Da fonte ao poema describe a xénese e o futuro do mundo occidental dende a perspectiva do inmenso arquivo audiovisual da Biblioteca do Congreso, que conserva non só a historia cultural, senón tamén a historia industrial grazas a numerosos formatos de arquivo. Facendo unha analoxía co ruído branco, a película postula que, co paso do tempo, todas as voces únicas se sobrepoñen, afogándose unha debaixo da outra.

Enmarcada dentro da visión da Escola do río Hudson e da lenda de Rip Van Winkle, Ride Like Lightning, Crash Like Thunder desprégase do mesmo xeito que se achega unha tormenta. Un futuro incerto agarda mentres a man insidiosa da historia divide a natureza e a civilización nas rexións do río Hudson da zona norte da cidade de Nova York.